بایاتی

عزیزیم وطن یاخجی

کؤینگی کتان یاخجی

غربت یئر جنت اولسا

اؤلمگه وطن یاخجی

  

فلکین داد الیندن

اولمادیم شاد الیندن

یامام یئرده یخیلدیم

دوتمادی یاد الیمدن

سر کویونده

دلبــــــــرا دردی دلیمـــــــــدن بیله عنوان ائتدیم

کی غمــــــــــه هـجرده دل ملکونو ویران ائتدیم

ممـــــکن اولماز منه وصلین بیلیرم حشره کیمی

اول سبب مسکنیمی کـــــوه و  بیابـــــــان ائتدیم

عشـــــق سلطانــــــی منیم قتلیمه فرمان گتیریب

ائتمــــــه دیم تــــــــرک وفا طاعتی فرمان ائتدیم

سری کویوندا قویوب باشیمی بیر اوف دئمه دیم

سری صدقیلـــــــه دل و جانیمــــــی قربان ائتدیم

یا طبیب آدینـــــی تــــــــــرک ائیله طبابت ائتمه

یا منیم دردیمــــــــــی تاپ گؤر نییه توفان ائتدیم

یوخدی بیر کــــمسه مگر دردیمی بیلسین یا رب

کی من اوز قانیمـــــــــــیله دردیمه درمان ائتدیم

دردی هـــــــجرینده گؤزوم یاشی توتوب دونیانی

نوح توفانــــــــــــی کیمی گؤرکی نه توفان ائتدیم

ناتوان ائتمــــــه دی اول سنــــــگ دلــــه ناله اثر

گئجه- گوندوز نه قـــده ر نالــــه و افغـــان ائتدیم

 

                              خورشید بانو ناتوان

ایکی جان آواره سی

ایکی جان آواره سی


بیر قانلی اوره ک چیرپینیری قان آراسیندا

ویرنیخمادادیر قالمیش ایکی جان آراسیندا

هجرانه دؤزوب یا کی چالیشسین چاتا وصله

آواره قالیب وصل ایله هجران آراسیندا

چوخ جان آتیری جانینی جانانه یئتیرسین

سین_ سین گزیری عالم امکان آراسیندا

فکریم یول ایتیرمیش غریب آواره دی سانکی

حیران دولانیر برّ و بیان آراسیندا

گون باتمیش اذان دیر دئیه سن قاش قارالیبدیر

یول اَیریمی بیر قورخولو اورمان آراسیندا

ال اوزمه لی یَم یا یئنه ده دؤزمه لی یَم من

تدبیر قیلین بو ایکی بحران آراسیندا

بیر خیردا گیلایه یئکه لیر اولسون عداوت

بیر عؤمر یئر ائتسین ایکی جانان آراسیندا

جاندا دا مایا قویمالی اولساق یئری واردیر

تا صلح یارانسین بوتون انسان آراسیندا

یوخ غصه سی بیر گون ده کوسولسه دوشونن دوست

لازم دی اوموب_ کوسمه ده خوبان آرسیندا

بیر سام یئلی اسجک او کی بیزدن الین اوزدو

اوندان نه اوماق قورخولو طوفان آراسیندا

حق وئرمه لی ییک حق لی یه هر کیمسه اولا حق

زور قانونو جنگلده دی حیوان آراسیندا

نقد اولسادا آنجاق ائله دوزگون گرک اولسون

بیر کلمه ده هئچ اولمایا بهتان آراسیندا

بهلول کیمی من ده آغاجی اَت کیمی سوردوم

هارون لارا سؤز ساپلادیم عنوان آراسیندا

بیر گون گله جک یالقیز آدین قالمیش اؤزون یوخ

ائللر دئیه جک آدینی دستان آراسیندان

سندن قالاجاق قالسا بو اوچ یئرده نشانه

آرشیو ایله ویترین ایله دیوان آراسیندا

شاید ده سنین شکلینه هیکل یوناجاقلار

ائللر گؤره جک شهرده میدان آراسیندا

یالقیز

محرم اولدی

گوزوم اغلا سينه داغلا اقامين عزاسي گلدي

گينه خيرة النسانين بالا واي صداسي گلدي

**********

من دوزم

     آی بو جهانی خلق ائده ن،لطف ائله بیر جهانه باخ

جانه گلیبدی بنده لر،بیر زادی ائت بهانه ، باخ

من بیلیرهم یؤرولموسان،دونیا دایانسا دورموسان

لـیـک دوشـن اَیاقــیـدان،بـنـده ی نـاتـوانـه بـــاخ

گوندوز ایشیقدا جورلوسن،بؤینو یؤغونلارین ایشین

بـؤیـنـودا قـیل کـیـمـیـنـلـرین ایـشلـریـنه شـبانه باخ

وار نه قدر بـو حـالـیـمـیز،قـاره دی روزگـاریمـیـز

آنـد ایـچـیـریک یالان سنه،بـیزده اؤلان ایمانه باخ

هاممی دئیر کی من دوزه م،بیلمیره م ایری کیمدی بس؟

بیربئله ایری ایشـلـری،کـیــم گـؤرورو یالانه بــاخ

اؤرو پیشیک ده کوفته نی،یئییر،دئییر به بیلمیسن

تئز سیلیر آغزی بورنونو،یاغلی دؤداغ ،دهانه باخ

الـلـی،ایـاقـلیـلار قـاپـیـر،یاغـلی دیـلی اؤلان تاپـیـر

ال سـیز ـ ایاقـسیز اؤرتادا،غارت اؤلور ،تالانه باخ

صلح سئویرسن آی کیشی ،قؤیما نفاق تؤره لده لر

خلـق آراسـیـنـدا بـیـر بـئـله فـیرتانالار سالانه باخ

اوستونه صافلارین قؤیان،آلتینا زیر زیبیل باسان

چؤمچه سینی ووران زامان،گل بو سؤغان ساتانه باخ

سن کی گؤرورسن آنلیسان،یؤخ دئمه منده بیلمیره م

دوزگون حسابی ایسته سن،چؤرتگیه سال ،قاپانه باخ

بوردا تمام اؤلور سؤزوم،هاممیسی یؤخ بیر آزجاسی

حـؤصلـه ن اؤلـسـا وئـر قـولاق باقـیـه داسـتـانه بـاخ


مجید صباغ (یالقیز)




 

شریفه جعفری

شريفه جعفري 1356 دا ميانادا دونيايا گؤز آچيب و ايله همان شهريده ابتدايي، راهنمايي و متوسطه ني اوخويوب باشا يئتيرميشم . 17 ياشيمدان شعير يازماقا  باشلاميشام .

بير عاييله ده دونيايا گؤز آچميشام كي هم آتام و هم آنام ذوق اهلي ،و عاشيق  شعرلرين و ناغيللاري بيليب و هميشه بيزه اوخويوب دييرديلر ، آتام اؤزونه ياني اؤز اوره يينه گؤره هر زامان دويغولانيب و هيجان لاناندا شعير ديير . و آنام بوتون آذربايجان حماسه لرين ، اوسطوره لرين و ناغيللارين  سينه سينه ييغيب و ازبرله ميشدي.  

ادامه نوشته

نوروز بایرامینیز موبارک اولسون.

 

یئنی ایلینیز اوغور لو اولسون.

 

تصاوير جديد زيباسازی وبلاگ , سايت پيچك » بخش تصاوير زيباسازی » سری ششم www.pichak.net كليك كنيد

تصاوير جديد زيباسازی وبلاگ , سايت پيچك » بخش تصاوير زيباسازی » سری ششم www.pichak.net كليك كنيد

فریبا  وظیفه آزاد

فریبا وظیفه آزاد۱۳۵۹-دا سراب شهرینده آنادان اولوب، ایلک و اورتا تحصیلینی بو شهرده آلیب، تحصیلاتینا دوام وئرمک اوچون دانشگاها گیرمک اوزره چالیشماقدادیر.

اون اوچ یاشیندان شعر و ادبیاتلا ماراقلانیب،شعر یازماغا باشلایان فریبا خانیم بویوک شاعیرلریمیزین اثرلرینی اوخوماقلا گوزل شعر لر یازماغا چالیشیر.                                               تصاوير جديد زيباسازی وبلاگ , سايت پيچك » بخش تصاوير زيباسازی » سری ششم www.pichak.net كليك كنيد

بو خانیم شاعیر دن بیر شعر سیزه تقدیم ائدیرم.

تصاوير جديد زيباسازی وبلاگ , سايت پيچك » بخش تصاوير زيباسازی » سری ششم www.pichak.net كليك كنيد

عشق شعله سی

تصاوير جديد زيباسازی وبلاگ , سايت پيچك » بخش تصاوير زيباسازی » سری چهارم www.pichak.net كليك كنيد

عشقی نین شعله لری هر گئجه یاندیری منی

                                            اوقارا گوزلرینین شوقی اوتاندیردی منی

 

ادامه نوشته

قبله گاهیم سان منیم

ای گوزللیک کعبه سی،سن قبله گاهیم سان منیم

من گدایی عشقینم،سن پادشاهیم سان منیم

 

،

ادامه نوشته

جانیمین جوهری اول لعل گوهر باره فدا

                                                             تصاوير جديد زيباسازی وبلاگ , سايت پيچك » بخش تصاوير زيباسازی » سری ششم www.pichak.net كليك كنيد         

                                                                                        جانیمین جوهری اول لعل گوهر باره فدا                                        

عمرومون حاصلی اول شیوه رفتاره فدا

دردچکمیش باشیم اول خال سیاه قربانی                                                                                    

تاب گورموش تنیم اول طرّۀ طرّاره فدا


گوزلریمدن ساچیلان قطرۀ اشگیم گوهری                                                                                   

لبلریندن توکولن لولوی شهواره فدا

چاک سینمدن اولان قانلی جگرپاره لری                                                                                      

مست چشمینده اولان قانلی غمزۀ خونخواره فدا

پاره پاره دل مجروحی پریشانیمدن                                                                                             

سرکوینده اولان هر ایته بیر پاره فدا

جان و دل قیدینی چکمکدن ئوزوم قورتادیم                                                                                   

جانی جانانییه ائتدیم دلی دلداره فدا

                                                                

ای فضولی نولا گر ساخلارایسم جانی عزیز

وقت اولارکیم اولا اول شوخی ستمکاره فدا

 

                                      ملا محمد فضولی

 

فاطیمه خانیم کمینه

فاطیمه خانم کمینه

تصاوير جديد زيباسازی وبلاگ , سايت پيچك » بخش تصاوير زيباسازی » سری ششم www.pichak.net كليك كنيد

فاطیمه خانیم کمینه هیجری قمری تاریخینین۱۲۵۷ـ نجی ایلینده(۱۸۴۱م)

شوشا شهرینده آنادان اولموشدور.اوشاقلیق چاغلاریندا هوشلو،ذکاوتلی و

معرفت،کمال صاحیبی اولان کمینه خانیم شوشا شهرینده درس اوخویور

تحصیل آلیر تورک وفارس دیللرینده گوزل شعرلر یازیردی اونون دولغون شعرلری

اولدوقجا یوموشاق و دویغولودور.کمینه چوخ گوزل وگویچک بیر خانیم ایدی

اونون ظاهری گوزل لیینه اویغون خوش طینتی، اصیل و تمیز ذاتی وارایدی،

اخلاق ورفتاری داها آرتیق ایدی.

فاطیمه خانیم کمینه۱۳۱۶نجی(ه.ق)ایل پاییز فصلینین اولینده(میلادی۱۸۹۸

نجی ایلین اولینده)شوشا شهرینده دونیادان گوز اورتدو،اونون اولومو قاراباغ

شاعیرلرینه آغیر آجی و ضایعه ساییلیب،بویوک بیر ماتم اولدو.

 

ادامه نوشته

حضرت ابوالفضل نوحه سی

 

ادامه نوشته

سلام اولسون محرمه

ادامه نوشته

الهی

لیلا خانیم