مئی ساتانلار کوچه سی

مئی ساتانلار کوچه سی

میثم
مئی ساتانلار کوچه سی

پریشان اولا خوشدور - علی آقا واحید

یارین رهِ عشقینده کؤنول قان اولا، خوشدور
هیجرینده گؤزوم هر گئجه گریان اولا، خوشدور

من کی، بو قارا گؤزلولر عشقینده اسیرم
سینه م هدفِ ناوکِ مژگان اولا، خوشدور

سن عصریمیزین ایندی زولیخاسیسان، ای گول!
عاشیق سنه مین یوسفِ کنعان اولا، خوشدور

ییغما باشینا، ناز ایله بیر شانه چک هردن
کؤنلوم کیمی زولفون ده پریشان اولا، خوشدور

گل سینه وی گؤستر منه هر صبح زامانی
گول بولبول اوچون چاکِ گریبان اولا، خوشدور

روخسارون اودو کؤنلومو یاخدیقجا سئویننم
پروانه یوز ایل شمع ایله سوزان اولا، خوشدور

جانان نه جفا ایله سه، واحد، یئنه صبر ائت
عشق اهلی اسیرِ غمِ جانان اولا، خوشدور


موضوعات مرتبط: علی آقا واحید

تاريخ : یکشنبه ۱۲ آذر ۱۴۰۲ | | نویسنده : میثم |

تاریم منیم - ترجمه ای از شعر سه تار من استاد شهریار

سیزلاییر احوالیما صوبحه قدر تاریم منیم

تکجه تاریم دیر قارا گونلرده غم‌خواریم منیم

چوخ‌وفالی دوست‌لاریم واردیر، یامان گون گلجه‌یین

تاردان اؤزگه قالماییر یار وفاداریم منیم

یئر توتوب غمخانه‌ده، قیلدیم فراموش عالمی

من تارین غمخواری اولدوم، تار غم‌خواریم منیم

گوزلریمه هر تبسم سانجیلیر نئشتر کیمی

کیپریگی خنجردی، آه، اول بی‌وفا یاریم منیم

آسمان آلدی کناریمدان آی اوزلو یاریمی

یاش توکر اولدوز کیمی بو چشم خون‌باریم منیم

ای بو غملی گونلومون تاب و توانی، سویله بیر

عهد و پیمانین نه اولدو، نولدو ایلغاریم منیم

شهریارم گرچی من سؤز مولکونون سلطانی‌یم

گؤز یاشیمدان باشقا یوخدور درِّ شهواریم منیم


موضوعات مرتبط: محمد حسین بهجت تبریزی (شهریار)
برچسب‌ها: شهریار , استاد شهریار , سه تار من

تاريخ : جمعه ۲۴ شهریور ۱۴۰۲ | | نویسنده : میثم |

نیسگیل لی بولوت - داوود اهری (قارانقوش)

بولوتام

بیلمه ییرم

هانسی دنیزدن قالخمیشام،

گلمیشم

             بو شهره،

داملا-دمالا

داملارا من یاغمالییام؛

گؤزلریمدن

            شیمشک لری شاخمالییام،

شیروانیدا

            نیسگیلیمی چالمالییام،

گلمیشم

            بو شهره

یاغمالییام

یاغمالییام،

توتولوبدور اوره گیم

دولوخوبدور گؤزلریم

                            آغلامالییام ...

 



تاريخ : پنجشنبه ۱۷ مهر ۱۳۹۹ | | نویسنده : میثم |

گریان ایستر - علی آقا واحید

گؤزه ليم گؤزلرين عشق اهليني گريان ايستر
گونده يوز من کيمي بيچاره ني قربان ايستر


نه اولار چوخدا گؤزه ل سن اؤزون انصاف ائيله
هانسي گول عاشقيني سن کيمي نالان ايستر


منده باخسام اوُل لب لعلينه قان اولماز کي
بولبولون عادتيدير غنچه ی خندان ايستر


بيلمه ميشلر دهنين سررين هله اينديه جه ن
کشف قيلماق بو معماني چوخ امکان ايستر


اوُل قارا زولفونون آز چکمه ميشم حسرتيني
مبتلا کؤنلومي هر لحظه پريشان ايستر


واحدي جاذبه ی عشقين ائديب مجنون تک
يوخسا ديوانه ليگي هانسي بير انسان ايستر

 

 

... بیر تازا حیات و باشلانمیش بو وئبلاگ اوچون ...

 



تاريخ : یکشنبه ۲۳ شهریور ۱۳۹۹ | | نویسنده : میثم |

خوشوم گلیر - علی آقا واحید

هردن کی ناز ائدیر منه جانان ، خوشـوم گلیــر

ناز ائیله دیکجه کؤنلوم اولور قان ، خوشوم گلیر

کوسموش یئنه ، آجیقلی باخیر سئوگیلیم منه

جانیـم اولا اول گؤزلــره قوربـان، خوشـوم گلیــر

بیـر آن رقیبی گؤرمگـه یوخـدور گـؤره ن گـؤزوم

اؤز یاریم اینجیدیــر منی هر آن ، خوشوم گلیــر

زهلـم  گئدیــر  نیگاریمــا  باخدیقجــا  اؤزگه لــر

سایمیر رقیبی اول گول خندان ، خوشوم گلیــر

مومکونسه بیرگؤزه ل سئو اونون مبتلاسی اول

گؤردوکجه هر گؤزه ل دئمه بوندان خوشوم گلیر

ذوق  وصــال  ایلــه  یئنـه  کؤنلــوم  آچیلمـاییــر

یاخدیقجـا کؤنلومـو غم هیجران، خوشـوم گلیـر

گـول بولبـول ایلـه اولمـالیدیـر ، خــار خــار ایلـه

یار اولسا بیر قیز ایله بیر اوغلان، خوشوم گلیر

واحیـد ،  وطـن   گـؤزه  للـرینیـن  مبتلاسیــم

دؤنموش بهشته ، آذربایجـان ، خوشوم گلیــر

 

 



تاريخ : جمعه ۲۸ آذر ۱۳۹۳ | | نویسنده : میثم |
        مطالب قدیمی‌تر >>


.: Weblog Themes By M a h S k i n:.