یار بایاتی لاری

 

 

یئنی ایلیز قوتلو آنلاملی یاشاییشیلان

 

 

 عکس غنچه گل رز زرد

عزیزلریم سیزه اؤزل

 


 

یئنی دن ائورن گولور

یئنه ده کؤنلوم بولور

                              سئوگیلیم آتلی گلیر

                              چیرکینلیق تئز اوزولور


 یئنی دن منه بیر باخ

 یئنه ده مــــنه بیر آخ

                              داریخدیم سنسیز جانیم

                              سئویوی مــــــنه بیر تاخ


 یئنی دن خئسمیم آغلیر

 کؤنلومو تئز ـ تئز داغــلـیر

                                  اؤلورام اؤندان قــیراق

                                  سئوگیلیم منی باغلیر  


  سئوگیسین چؤله آتان ،

 آییلمیر خئســمه باتان؟

                                قاییدار بیـر گون اؤزه،

                                اؤزونــو اؤزده ساتان


 اولدوز سان گئجه ایمده

 آخیرســــــان اؤرگــیمده

                                منه سنسن تانــــیلان

                                هرنه،سنسن ببگیمده


 گؤرونوب گؤرونمورســن

 دیری سن اؤلونمورسن

                               ترپنیش سن گؤگ تانریــم

                               چؤوروسن ،چؤورولمورسن


 قیفیل لاری آچــار لار

 نورو کؤنله ساچار لار

                             قارانلیقدا یؤل اؤلماز

                             قارانلیـقدان قاچارلار


 ایچ ائورنه باخیر سان ؟

 اوزدن ایچه آخیر سان ؟

                                  یؤرولموسان چؤخلوقدان؟

                                  اؤزدن اؤنا چاخیــر سـان؟


 بیر سربست پوئزیلن قوللوغوزدایام.

http://asadtabrizli.blogfa.com/

یار بایاتی لاری

 

یار بایاتی لاری

 

بیلگی سؤزو  اؤز تانیم

نوم دوشونو اؤز تانیـــم

                               اؤزو وو ســـؤنرا منی

                               تانری سؤزو اؤز تانیم


 

هارالاردان گلمیـــشم ؟

هارالاری گزمیـــشم  ؟

                            هانســـی دیلی اینجیدیب

                            هانسی اوستن أنمیشم ؟


دییه ممیرم ســـــؤزومو ۱

سیندیر میشام سؤزومو ۲

                                قیینجی یام سئوگیمه

                                باغیشلامام اؤزومــــو


 باشیما هوندور قــــایا

یاردان اؤلموشــــام آرا

                          خئسمیمه باش اگندن

                          جانا اؤلموشــــــام یارا


سالدی منی گؤزونـــدن

دوشونمه دیم سؤزوندن

                              طاماه منی کؤر ائــتدی

                              چاخدیم یؤلون دوزوندن


چئشمه دن سو آخارمیش

اؤز یؤلـــــــونو تاپــار میش

                                قورود موشام چئشمه می 

                                سوسوز کؤنول یانار میــش


قاچان قاچان دوشوبدو

بشر اؤزدن اوشوبـــدو

                            گولو یئره ســـــالاندان

                             یاشاییش بوروشـوبدو


جانیم چیخیب آلمیشام

باغچاما گول سالمیشام 

                               تؤیــــوق اؤنو دنله ییر

                               من بو ایشه قالمیشام


باغچامدا بیر گول بیتدی

یئل گلدی اؤنو ییـــخدی

                               ألیـــمینن توتـــــمادیم

                               اؤ گول الیمدن چیخدی


ائورنه یاری گـتیــــر

جانا دیلداری گـــتیر

                         جانیندان آت خئسمیوی

                         ائله ائلــــداری گتــــــیر


گؤزونو یومان اؤلــدو

دوماندا دومان اؤلـدو

                          تانریسین آتان اینــسان

                          خئسـمینه جومان اؤلدو


ائورنه گون ساچـیلا

بو گونه پیس قاچیلا

                         ائورنده یار اؤتــــورا

                         یئنی ائورن آچیـــلا


سؤزجوکلر

اؤز تانیم:خودشناسی

بیلگی:علم

نوم:دین

سؤزومو۱:حرفم

سؤزومو۲:عهدم ،پیمانم

قیینجی:ظالم

هوندور قایا:بؤیوک داش (عالمین داشی)

خئسم :نفس عماره

طاماه:طمع

اؤزدن :اؤزوندن (از خود)

اوشوبدو: اوشویوبدو

ائورن :عالم ،بورادا ایچ ائورنی آنلامیندا(عالم درون)

 

         تانری آریندیر

بیر سربست شعریله قوللوغوزدایام

HTTP://ASADTABRIZLI.BLOGFA.COM